Aa |   aA
សេចក្ដីប្រកាសព័ត៌មានស្ដីពីលទ្ធផលនៃដំណើរទស្សនកិច្ចរបស់លោកស្រី ខាមីខាវ៉ា យ៉ូកុ រដ្ឋមន្ត្រីការបរទេសជប៉ុននៅកម្ពុជា | នាយកដ្ឋានប្រឆាំងបទល្មើសបច្ចេកវិទ្យាក្រើនរំលឹកសាធារណជនឱ្យប្រុងប្រយ័ត្នលើការសាកបញ្ចូលថ្មនៅទីសាធារណៈ | ពិធីករកីឡា លោក គន្ធ ជីវ័ន្ធ ទទួលមរណភាពមុននេះបន្តិចនៅឯមន្ទីរពេទ្យប្រទេសថៃ | លោកស្រីបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីពិធីបិទកម្មវិធីអប់រំសីលធម៌ព្រះពុទ្ធសាសនា បំបួសកុលបុត្រ កុលធីតា ចំនួន ៦៣០ អង្គ/នាក់ វគ្គទី១១ ឆ្នាំទី១១ នាបរិវេណវត្តភ្នៀតសិម្ពលី |

Pep Guardiola និយាយជុំវិញការចាកចេញពី Manchester City

  • ចុះផ្សាយថ្ងៃទី២៦ ខែសីហា ឆ្នាំ២០២១ ម៉ោង ១៣:២៥ នាទី ដោយ Mesa
  • 363
  Aa |   aA

អង់គ្លេស៖ អ្នកចាត់ការក្លិបបាល់ទាត់អង់គ្លេស Manchester City លោក Pep Guardiola បាននិយាយជុំវិញការចាកចេញពីក្លិបនៅក្នុងឆ្នាំ២០២៣ខាងមុខនេះ ស្របពេលដែលកិច្ចសន្យារបស់លោកជាមួយក្លិបនឹងអ់សុពលភាពនាពេលនោះ។ 

Pep Guardiola ទំនងជាសំរាកពីអាជីពជាគ្រូបង្វឹកក្លិបអាជីពមួយរយៈពេលសិន ដោយលោកនឹងសំឡឹងលើឱកាសដឹកនាំក្រុមជម្រើសជាតិណាមួយជំនួសវិញ។ គ្រូបង្វឹកសញ្ជាតិអេស្ប៉ាញរូបនេះបាននិយាយថា៖ "សំរាប់គោលដៅបន្ទាប់របស់ខ្ញុំ នឹងអាចជាក្រុមជម្រើសជាតិវិញ ប្រសិនបើមានឱកាសអាចទៅរួចណាមួយ"។ នេះបើយោងតាមការដកស្រង់សម្តីពីសារព័ត៌មានអេស្ប៉ាញ MARCA។

អ្នកចាត់ការវ័យ ៥០ឆ្នាំខាងលើបានលើកឡើងថា៖ "បន្ទាប់ពីចំណាយពេល ៧ឆ្នាំនៅទីនេះ (Man City) ខ្ញុំគិតថាគួរតែដល់ពេលសម្រាកមួយរយៈ។ ប៉ុន្តែ! ប្រសិនបើក្នុងកំឡុងពេលសម្រាកនេះ មានការផ្តល់សំណើរ ឬឱកាសណាមួយសម្រាប់ខ្ញុំ ខ្ញុំក៏នឹងរីករាយសាកល្បងផងដែរ។ ខ្ញុំមានបំណងចង់ដឹកនាំក្រុមនៅព្រឹត្តិការណ៍បាល់ទាត់ EURO ឬ Copa America ឬបើអាចក្រុមណាមួយក្នុងយុទ្ធនាការ FIFA World Cup ហើយខ្ញុំពិតជាចង់ទទួលបានបទពិសោធន៍នេះ"។

គួរបញ្ជាក់ថា គ្រូបង្វឹកដែលជាអតីតខ្សែបម្រើរូបនេះ បានចាប់ផ្តើមអាជីពដឹកនាំដំបូងជាមួយ ក្លិប Barcelona នៅឆ្នាំ២០០៨ ដល់ឆ្នាំ២០១២ មុននឹងមកកាន់ Bayern Munich នៅឆ្នាំ២០១៣ និងចុងក្រោយមកដឹកនាំក្លិបអង់គ្លេស Manchester City ចាប់តាំងពីឆ្នាំ២០១៦ មកដល់បច្ចុប្បន្ន។ លោកធ្លាប់ដឹកនាំក្រុមធំៗទាំងនេះឈ្នះពានជាច្រើនដូចជា​ លីគកំពូលអេស្ប៉ាញ ៣ដង លីគកំពូលអាល្លឺម៉ង់ ៣ដង លីគកំពូលអង់គ្លេស ៣ដង និងពាន UEFA Champions League ២ដង ខណៈជាមួយ Manchester City គោលដៅធំបំផុតរបស់លោក គឺការដឹកនាំក្រុមគ្រងជើងឯកអឺរ៉ុប UEFA Champions League៕




ព័ត៌មានជាច្រើនទៀតសម្រាប់អ្នក